Arian Daci, zv/ministri kosovar i Diasporës, ka humbur jetën si pasojë e rënies së një orteku në Brezovicë. Viktima është djali i ish-kryetarit të Kuvendit të Kosovës, Nexhat Daci.
Lajmin e bëri të ditur drejtori i Agjencisë për Mbrojtjen e Mjedisit, Ilir Morina, i cili konfirmoi se viktima është djali i ish-kryetarit të Kuvendit të Kosovës, Nexhat Daci.
“Mbikëqyrësi i qendrës që i ka angazhuar agjencia, ka shpëtuar një person, duke e nxjerr në çastet e fundit të jetës. Ndërsa, personi i tjetër ka vdekur, që mendohet se është djali i Nexhat Dacit, Arian Daci”, tha Morina.
Ndërkaq lajmi është konfirmuar dhe nga policia për “Gazeta Express”./E.M
