Dy javë pasi autoritetet spanjolle gjetën eshtrat e Sibora Geganit, së resë shqiptare që u vra nga i dashurit i saj në Spanjë, analizat e AND-së vërtetojnë se trupi i gjetur i përket 22-vjeçares shqiptare.
Autoritetet gjyqësore, i kanë komunikuar familjes Gegani përgjigjet e ADN-së, pas ekspertizës që iu nënshtruan në Institutin e Mjekësisë Ligjore në Malaga.
“Testet e ADN-së, pasi janë krahasuar me mostrat e marra nga trupi i gjetur, i korrespondojnë pa asnjë dyshim Sibora Gaganit”, thonë ata.
Tashmë autoritetet do të ndjekin të gjitha hapat që familja e Sibora Geganit të mund të riatdhesojnë trupin e të resë në Shqipëri.
Mediat spanjolle i gjetën eshtrat e 22-vjeçares shqiptare në një qese plastike brenda një muri në banesën në Malaga, të Spanjës ku ajo jetonte bashkë me të dashurin e saj.
Sibora Gagani u shpërngul me të dashurin Marco Romeo në Costa del Sol në vitin 2011 dhe u zhduk më 7 korrik 2014.
Hetimi për zhdukjen e saj rifilloi pasi Marco Romeo u arrestua për vrasjen me thikë të bashkëshortes së tij të re.
