Foto e publikuar, mbrëmjen e sotme, nga disa media online të kryetarit të Partisë Demokratike, Lulzim Basha me modelen Angjela Martini është shkrepur në vitin 2012 në Tiranë.
Bëhet fjalë për një aktivitet të realizuar me, 6 tetor, 2012, për promovimin e dokumentarit të aktores Eliza Dushku , “E dashur Shqipëri”.
Në atë kohë, të pranishëm në premierën e dokumentarit ishin ish-kryeministri Sali Berisha, ish-kryetari i Bashkisë së Tiranës, Lulzim Basha dhe personalitet të tjera të artit dhe politikës shqiptare.
Arsyet e rikthimit të kësaj foto të vjetër, bërë publike fillimisht në Instagramin e modeles Martini, nuk dihen.
Mediat që e publikuan, shkruanin:
Kreu i opozitës shqiptare, Lulzim Basha, i cili vetëm pak minuta më parë ka sfiduar qeverinë dhe krimin, dhe ka kërkuar aleancën e shqiptarëve mbarë për zgjedhje të lira, është kapur në një fotografi si rrallë herë.
Ndërsa shtonin se ai ka pozuar përkrah modeles së njohur shqiptare, Angela Martini, duke theksuar, më pas, se eventi që i ka bashkuar nuk bëhet i ditur.
Mirëpo, foto e publikuar është realizuar në vitin 2012 në Tiranë, në premierën e dokumentarit të aktores Eliza Dushku.
Për më tepër detaje, shikoni fotot:
Sali Berisha, Angjela Martini, Eliza Dushku dhe Liri Berisha nga e majta në të djathtë. Nëse krahasohet foto në fjalë, vihet re lehtësisht, fustani me dekolte të hapur i modeles Martini si dhe varësja e lëshuar.
Foto e publikuar nga mediat online, mbrëmjen e sotme:
Në foto, vihet re, i njëjti fustan i veshur i modeles Angjela Martini si në foton e mësipërme, por edhe një detaj tjetër është edhe e njëjta varëse.
