Vladimir Gjuta, mohoi para gjykatës sot ka ushtruar dhunë ndaj babait të tij.
I dyshuar për vendosjen e tritolit te Farmacia e babait të Ministrit Tahiri, Gjuta u arrestua nga policia dy ditë më parë, pasi, sipas denoncimit të familjarëve, ai kishte ushtruar dhunë fizike ndaj babait dhe bashkëshortes së tij.
Para gjykatës ai u përballe me akuzat e “Dhunës në familje” dhe “Largimi nga vendimi qëndrimit”, pasi ndaj tij është në fuqi masa e sigurisë “Arrest në shtëpi” dhënë nga gjykata e Kukësit për veprën penale të “Fallsifikimit të dokumentave”.
Në seancën gjyqësore, Gjuta tha se ka qenë në shtëpinë dy-katëshe të babait të tij, së bashku me bashkëshorten dhe fëmijën e tyre 10-muajsh.
Ai ka qenë duke fjetur në një dhomë në katin e parë, kur në mes të natës foshnja ka filluar të qajë dhe Gjuta ka menduar se fëmija ishte sëmurë, raporton 360gradë.
Ai ka kërkuar që të dërgojë djalin në spital por është kundërshtuar nga bashkëshortja dhe ndërmjet tyre ka nisur debat. Në debate janë përfshirë edhe babai dhe vëllai i Vladimirit, të cilët ishin duke fjetur në katin e dytë të banesës kur dëgjuan debatet, raporton boldnews.
Mes replikash, babai i Vladimirit ka njoftuar policinë, me qëllim që të shmangnin përkeqësimin e situatës. Sipas familjarëve të Vladimir Gjutës, gjatë kohës që ka qenë në paraburgim si i dyshuar për tritolin te Bashkim Tahiri, ai ka shfaqur ç’rregullime mendore. Pikërisht për këtë arsye, ata nuk e lejonin Vladimirin që të merrte fëmijën dhe ta dërgonte në spital.
Në polici babai i Vladimirit, ka deklaruar se ndaj tij është ushtruar dhunë nga i biri. Ndërkohë vëllai i Vladimirit ka pranuar ushtrimin e dhunës, por dokumenti nuk është firmosur prej S. Gjutës.
Çështja ndërlikohet edhe më tej, pasi një ditë pas arrestimit të Vladimir Gjutës, babai i tij, Ferit Gjuta ka dalë publikisht, duke mohuar të jetë ushtruar dhunë ndaj tij. Për më tepër, ai thotë se nuk e di që ka firmosur një dokument, në bazë të të cilit pranon se është rrahur nga djali i tij.
Gjithësesi, ndaj Vladimir Gjutës ekziston dyshimi se ka thyer edhe urdhërin e gjykatës për të qëndruar në masën e arrestit në shtëpi. Edhe për këtë çështje, Gjuta ka deklaruar në gjykatë se nuk ka njoftim nga avokati mbi këtë vendim të gjykatës.
