Gerta Shino e skualifikuara e javës së kaluar sëbashku me partnerin e saj Denisin, ka bërë një sërë akuzash ndaj produksionit të ‘Big Brother’.
Ndër të tjera ajo ka thënë ditët e kaluara se ishte produksioni ai që e nxorri nga shtëpia e famshme dhe jo publiku. Gjithashtu bëri publike orën që mban Kei, një objekt i palejuar në këtë format duke e bërë kështu automatikisht një shkelëse rregullash.
Në një intervistë të sotme për ‘gazetën Shqiptare’, Gerta Shino ka vijuar me akuzat duke zbuluar se ndryshe nga sa lihet të kuptohet nga produksioni, të gjithë banorët e dinë ekzistencën e një shtëpie dhe banorëve të tjerë. Kujtojmë që ata janë të ndarë në ‘shtëpinë single’ dhe në atë me çifte.
Si është ta shikosh “Big Brother”-in nga brenda?
Është shumë ndryshe, ka shumë prapaskena, shumë intriga. Unë tani që kam dalë, nuk e shoh më.
E kishit nuhatur ju në “Big Brother” që kishte një tjetër shtëpi paralele?
Të gjithë aty brenda e dinë që është një shtëpi tjetër. Nuk ishin perfektë dhe ne e kemi marrë vesh. Flisnin te shtëpia jonë dhe kërkonin banorët e shtëpisë tjetër. Linin hapur audion e dhomës së rrëfimit dhe ne dëgjonim bisedat që bëheshin me banorët e tjerë. Të gjithë aty e dinë që ka banorë të tjerë.
Ke marrë direktiva nga produksioni në dhomën e rrëfimit?
Po, më thoshin “fli gjumë Gerta, se je lodhur shumë”, dhe pastaj më thanë “nuk je aktive”./GSH
