Teksa pritet të vendoset sot, masa e sigurisë për ish-zyrtaren Alda Klosi, avokati i saj Ilirjan Muho ka dhënë një deklaratë për mediat.
Muho është shprehur se përfaqësues nga gjykata shkuan në spital morën gjeneralitetet dhe panë gjendjen shëndetësore të Klosit.
Klosi ndodhet e shtruar në spital që prej të shtunës për shkak të problemeve me zemrën.
Avokati i Klosit, i pyetur nga mediat a kanë një qendrim lidhur me dëshminë e Rozeta Dobit, tha “kemi një qendrim që do e shfaqim në gjykatë. Seanca do zhvillohet në Gjykatën e Tiranës”.
Më tej ai theksoi: Gjykata mori gjeneralitetet e personit nën hetim, konstatoi gjendjen e saj, seanca ka nisur e tani do kthehemi në gjykatë ta vijojmë, seanca do zhvillohet në orën 12:00.
Alda Klosi akuzohet për pastrim parash, fshehje pasurie dhe për deklarim të rremë para oficerëve.
