Një burrë kanadez i cili u zhduk 30 vite më parë është bashkuar sërish me familjen, vetëm pasi ka kujtuar identitetin e tij, raporton media kanadeze.
Edgar Latulip ishte 21-vjeç kur ai u zhduk nga shtëpia për personat me aftësi të kufizuara, në provincën Ontario.
Ai kishte hipur në një autobus, dhe pasi kishte pësuar një lëndim në kokë, policia tha se kishte humbur kujtesën e tij.
Latulip ka jetuar në Niagara me një identitet tjetër për dekada të tëra para se të përjetojë vegimet nga e shkuara.
Ai i tha një punonjësi social që të kontrollonte për emrin Latulip dhe zbuloi se ishte shpallur si person i humbur.
Një test i ADN-së ka konfirmuar më pas identitetin e tij të vërtetë.
Nëna e tij, Ottawa Sylvia Wilson ishte mallëngjyer nga lajmi i gjetjes së të birit dhe pavarësisht marrëdhënies së saj të vështirë, ajo ishte shprehur : “Unë dua të flas me të dhe ta ndihmoj atë me çdo gjë që mundem. Unë vetëm dua ta shoh atë”.
Edgar Latulip ka moshën mendore të një 12-vjeçari./tvklan.al
