Cfarë dhurate do t’i blinit një njeriu që është në koma për më shumë se 30 vjet?
Eshtë kjo pyetja që i bëjnë vetes familjarët e ish-futbollistit francez Jean-Pierre Adams, jeta e të cilit mori një kthesë të tmerrshme në vitin 1982.
33 vite më parë, futbollisti i njohur shkoi në një spital të Lionit për një ndërhyrje rutinë në gju, por që nga ajo kohë nuk mundi më të fliste apo të lëvizte. Ishte vetëm 34 vjeç.
Gruaja e tij Bernadette është përpjekur të qëndrojë pranë tij, duke mos humbur asnjë ditë, në tri dekadat e fundit.
67-vjeçari është në gjendje të marr frymë vetë, ndërsa dhoma e tij është e modifikuar për t’ju përshtatur nevojave dhe formës së një shtrati spitali.
“Ne i blejmë dhurata në çdo ditëlindje apo festë dhe unë ja ndërroj çdo ditë rrobat në shtrat”, tregon bashkëshortja, e cila kujdeset për të në shtëpinë e tyre, në jug të Francës.
“Por çfarë do të ndodhë, nëse unë vdes para tij”? -pyet ajo e shqetësuar, ndërsa tani është bërë gjyshe.
“Ai do të vdesë pa patur dikë të kujdeset. Atij u duhen unë që ta ushqej, që të përmbush nevojat e tij primare. Nëse nuk e bëj kush do ë bëjë?”
A e ka menduar ndonjëherë eutanazinë?
“Cfarë? Ta privoj nga ushqimi dhe ta lë të vdesë dalëngadalë? Jo, kurrë”, pohon Bernadette.
është një histori e fortë dashurie, pas gjithë përpjekjeve të kësaj gruaje, që e mban ende në jetë burrin e saj pas më shumë se 30 vitesh në koma.
