Një grup prej gjashtë personash kanë rrahur dhe dhunuar në mënyrë barbare një të ri shqiptar pasi e akuzojnë për përdhunimin e një të miture holandeze.
Ngjarja ka ndodhur në Pontedassio dhe sipas mediave italiane, të rinjtë, kanë bërtitur “vriteni atë m… shqiptari”, e më pas e zhveshën dhe e rrahën me shkelma dhe grushta
Viktimë e dhunës ka mbetur shqiptari me inicialet A. S., 25 vjecar, i cili akuzohet se ka abuzuar seksualisht me një pesëmbëdhjetë vjeçare holandeze.
Ngjarja thuhet se ka ndodhur në Pontedassio, më 18 korrik të vitit 2015.
Sipas hetimeve, më shumë se pesë persona në mënyrë mizore e kanë zhveshur plotësisht viktimën dhe e kanë rrahur e diskriminuar, teksa bërtisnin në mënyrë të përsëritur gjatë rrahjes “vriteni atë m…shqiptari”.
Shqiptari gjithmonë e ka mohuar të kishte abuzuar me pesëmbëdhjetë vjeçaren.
“I riu e kishte dërguar në dhomën e urgjencës vajzën, ku mjekët nuk kanë zbuluar shenja të cilat shpjegojnë dhunën seksuale që thuhet se ka ndodhur”, tha avokati mbrojtës i shqiptarit. Hetimi mbi të është ende i hapur.
