Një 23 vjeçar nga një fshat i Memaliaj i ka dhënë fund jetës në mënyrë tragjike duke u varur në një pemë. Skena ka qenë makabre për prindërit e tij pasi e kanë gjetur atë të varur në pemën e baçes.
Sipas të dhënave të para, policia është njoftuar rreth orës 15:45 se në fshatin Kurtëz, Njësia Administrative Buz, Memaliaj, në një pemë në baçen pranë banesës së tij është gjetur i vetvarur nga familjarët e tij shtetasi L.B., rreth 23 vjeç.
Nga informacionet e marra mësohet se 23-vjeçari vuante nga depresioni. Në vendngjarje ka shkuar grupi hetimor për zbardhjen e plotë të ngjarjes.
