Një 26-vjeçar shqiptar ka humbur jetën, ndërsa dy të tjerë janë plagosur në Itali. Ngjarja ka ndodhur në Giugliano ku të aksidentuarit po shkonin në punë me biçikleta. Sipas mediave italiane shkak për ngjarjen ka qenë një 24-vjeçar origjina e të cilit nuk dihet.
Nga hetimet paraprake mësohet se i riu ka qenë duke udhëtuar me shpejtësi jashtë normave të lejuara dhe për pasojë është shkaktuar edhe aksidenti. Autori u largua nga vendngjarja pasi shkaktoi aksidentin, ndërsa policia ka arritur ta arrestojë më vonë.
Ata e kanë parë se ai ishte duke ndërruar gomën e makinës si dhe xhamin e kishte të dëmtuar.
Gjithashtu në hetime janë përdour dhe kamerat e sigurisë të marra nga bizneset rreth vendit ku ndodhi ngjarja tragjike.
