“Kemi dyshime se paratë e gjetura në makinën e Orest Sotës janë të Saimir Tahirit. Dyshohet se lekët janë të Saimir Tahirit të fituara nga aktivitetet kriminale”. Kështu deklaroi prokurori sot në seancën për masën e sigurisë ndaj 25 vjeçarit Orest Sota i cili u kap me 863 mijë euro dhe dy patenta lundrimi të ish-ministrit të Brendshëm.
Sipas prokurorisë një sasi prej 250 euro në thesin e madh të 863 mijë eurove, ishin false.
Po sipas akuzës, Sota dhe shoferi i tij, Leonard Almeta janë përgjuar nga drejtoria e
Policisë së Elbasanit, ku biznesmeni mësohet se ka pyetur Almetajn:
-Çfarë duan patentat e Tahirit në makinën time?
Ndërsa Almeta është përgjigjur:
-I ka harruar Gent Caka (shoferi i Tahirit).
Më pas është përgjuar edhe Caka kur ka folur me Almetën.
Caka ka thënë në telefon: Nuk ka faj Oresti pasi i kam harrur unë ato aty.
Krimet e Rënda e lanë në arrest me burg Orest Sotën. Tashmë prokuroria bashkon zyrtarisht dosjen e Sotes me të Tahirit dhe Habilajve. Prokurorët e çështjes janë Elisabeta Imeraj dhe Gentian Osmani.
