Një 20 vjeçar grabiti një makinë Porsche me targa AA 870 II paraditen e sotme rreth orës 09:20 në kryqëzimin e Milotit, në aksin nacional Fushë Krujë – Milot. Patrulla e policisë që ishte pranë vendit të ngjarjes u vu në ndjekje të grabitësit të armatosur, i cili qëlloi dhe plagosi efektivin Nikolin Gjergji.
Një superoperacion policor u zhvilluar në fshatin Fushë-Gjorm të Laçit për të arrestuar agresorin. Në operacion mori pjesë Drejtoria e Policisë e qarkut Lezhë dhe forcat RENEA. Gjithashtu edhe helikopteri i policisë u ngrit në ajër për lokalizimin e autorit.
Pas rreth 2 orësh, u arrit të neutralizohej autori i grabitjes dhe plagosjes së policit. Forcat RENEA shtien me snajper drejt tij, duke e plagosur në këmbë dhe mandej duke e arrestuar. Aldi Lleshi, 20 vjeç është agresori që rrezikoi jetën e policëve sot në Laç.
Ndërsa lidhur me të plagosurin, punonjësin e policisë Nikolin Gjergji ,mësohet se plumbi e ka goditur në kokë. Ai ndodhet nën kujdesin mjekësor në Spitalin e Traumës në Tiranë. Nderkaq Ministri i Puneve te Brendshme Saimir Tahiri vizitoi efektivin e plagosur dhe deklaroi se ai është jashtë rrezikut për jetën.
“Nikolin Gjergji u plagos me arme ne krye te detyres, fatmiresisht pa rrezik per jeten. I uroj sherim te shpejte. Jemi te gjithe me te dhe familjen e tij. Urime kolegeve te tij per arrestimin e autorit. Mori e do marri ate qe meriton, denimin me te ashper ligjor”, shkroi Tahiri në facebook. /Opinion.al
