Një ngjarje e pakëndshme është regjistruar në Itali dhe protagonist është bërë një shtetas shqiptar. Mediat italiane kanë bërë publike momentin e filmuar nga kamerat, ku një shqiptar sulmon me hanxhar pronarin e një lokali në Itali.
Ngjarja ndodhi në Vetralla, dhe gjithçka nisi pasi pronari i lokalit kishte përzënë shqiptarin nga ambientet e punës. Mësohet se shkak ishte bërë sjellja e tij pasi kishte ulur pantallonat duke dalë lakuriq.
Më pas në gjendje të dehur, është kthyer sërish, kësaj here për të marrë hak. Me një hanxhar në dorë, ai duket teksa tenton të godasë italianin. Fatmirësisht ky i fundit nuk pëson asnjë dëmtim./Opinion.al
