Ministrja e Shtetit për Sipërmarrjen dhe Klimën e Biznesit, Delina Ibrahimaj ka njoftuar se është miratuar një strategji e re lidhur me ekonominë dhe inovacionin.
Pas përfundimit të mbledhjes së ministrave, Ibrahimaj bën të ditur se kjo strategji parashikon një plan masash për zhvillimin e sipërmarjes inovative.
Sipas saj, kjo strategji do të përqëndrohet në 6 sektorë të caktuar.
”Në mbledhjen e sotme miratuam një strategji të rëndësishme për të përmbyllur kuadrin e vizionit tonë Shqipëria 2030. Strategjia e sipërmarrjes inovative 2025-2030 parashikon një plan masash që u miratuan për zhvillimin e sipërmarjes inovative duke mbështetur vizionin tonë për të pasur një ekonomi e cila mbështet rritjen e inovacionit dhe inovacioni mbështet rritjen ekonomike.
Strategjia do të përqëndrohet në 6 sektorë të caktuar që janë të identifikuar në një tjetër strategji kombëtare. Është e pëqëndruar në nxitjen e inovacionit në sektorë si turizmi, enmergjia, e bujqësia. Janë këto sektorë që kanë më shumë nevojë për rritje të produktivitetit dhe ne do të ndikojë në rritjen e produktivitetit dhe me çeljen e tregjeve në rrugën tonë drejt anëtarësimit në BE”, tha Ibrahimaj.
