Ish-kryeministri Sali Berisha ka sqaruar komunikimin që ka bërë me Genc Rulin dhe Ridvan Bodën në kohën kur është privatizuar ish-kompleksi Partizani, biseda të cilat janë publikuar nga SPAK.
Sipas Berishës, në atë bisedë thjesht ai mbron linjën programore të përdorimit të letrave me vlerë për blerje nga ish-pronaret.
“Skapistët e pafytyrë përdorin një fragment në kundërshtim me kushtetutën, i cili nuk ka asgjë tjetër, por thjesht siç përdorin videot erotike për të mbuluar horrllëqet e tyre, përdori një dialog timin, Ritvan Boden dhe Genc Rulin ku unë mbroj linjën programore të përdorimit të letrave me vlerë për blerje nga ish pronare e filluar që nga 1994. Me këtë kanë menduar se do mund të ushqejnë etjen e shpifësve të paguar të qeverisë. Por theksoj, se meqë e kanë lidhur me blerjen e dhëndrit tim me pronën, informoj shqiptarët se vendimi ka dalë një muaj pasi Jamarbër Malltezi kishte paguar lekë për 90% të detyrimeve që kishte ndaj shtetit nga procesi i parablerjes së privatizimit. 10% që nuk i kishte paguar, ligji ja njihte që 80% të këtij 10% të paguante letra me vlerë, ai ka arritur të paguajë vetëm 10% të tjerat i ka paguar para. Letrat janë përdorur për blerje dhe parablerje të përndjekurit politik dhe ish pronarët. Prapë i garantoj se ata nuk janë anuluar”, tha Berisha.
