KAVAJË- Një 49 vjeçar kishte marrë përsipër të ndërtonte një shtesë në xhami. Pa marrë leje ndërtimi dhe pa marrë as miratimin nga komuniteti mysliman. Kështu të paktën njofton policia e cila tha se e ka arrestuar 49 vjeçarin Azem Koni, banues në Kavajë.
Po sipas policisë, atij i është gjetur në banesë edhe për armë,pushkë model turk. Kësisoj përpos ndërtim pa leje akuzohet tani edhe për armë pa leje.
“Arrestimi i tij është bërë pasi në tokë publike të fshatit Hajdaraj , pa leje të organeve kopetente është konstatuar një ndertim shtesë në objektin xhami e cila ndodhet në këtë fshat”, thuhet në njoftim.
Për këtë ndërtim Azem Koni kishte punësuar edhe punëtorë të cilët u konstatuan në objekt gjatë ndalimit nga policia.
