Ish-lojtari i Hamburger SV Rafael van der Vaart ka një opinion interesant dhe surprizë mbi debatet e pambarimta rreth karakterit dhe bëmave të Cristiano Ronaldo. “Nuk besoj se unë dhe ai mund të jemi shokë të ngushtë. Cristiano si person është shumë i mërzitshëm,” deklaron holandezi gjatë një interviste për stacionin televiziv NOS. Askush nuk do ta quante të mërzitshëm portugezin gjatë kësaj periudhe, por ja që ka ndodhur.
Kritikat e shumta mbi sulmuesin 31 vjeçar të Real Madrid kanë të bëjnë me karakterin e tij arrogant, i cili është i dashuruar me veten e tij. Shumë ish-shokë ekipi që kanë luajtur me të te Real e cilësojnë si një person të thjeshtë dhe të komunikueshëm, sidomos me lojtarët e rinj në ekip. Edhe Van der Vaart e konfirmon këtë, duke shtuar se: “Ai është një profesionist i madh. Ai është gjithmonë i pari që vjen në stërvitje, dhe i fundit që largohet.”/Telesport.al
