Donald Trump, ka njoftuar së fundmi se samiti i 12 qershorit, ku ishte planifikuar edhe një takim me diktatorin e Koresë së Veriut, Kim Jong Un, do të realizohet, siç ishte njoftuar më parë. Presidenti i SHBA-ve u shpreh se kjo do të shënojë fillimin e një procesi negociues me Korenë e Veriut që mund të përfshijë disa takime të tilla.
Vendimi erdhi pasi Trump takoi krahun e djathtë të diktatori korean, Kim Yong-chol, në zyrën ovale. Fillimisht u supozua se takimi mes tyre do të ishte i shkurtër, por zgjati 1 ore e 20 minuta. Trump e shoqëroi atë edhe jashtë ambienteve të Shtëpisë së Bardhë, ku zhvilluan bisedime të ndryshme.
“Marrëveshja e madhe do të jetë më 12 qershor,” tha Trump. “Është një proces. Ne nuk do të hyjmë dhe të nënshkruajmë diçka më 12 qershor. ”
Ai vazhdoi: “Unë kurrë nuk kam thënë se kjo ndodh në një takim – po flasim për vitet e armiqësisë, vitet e problemeve, vitet e urrejtjes midis kombeve. Unë u thashë atyre sot, merrni kohën tuaj që të mund të ecim shpejt, ose mund të shkojmë ngadalë “., përfundoi Trump.
