Ministrja e Turizmit, Mirela Kumbaro ka ndarë në rrjetet sociale një video dhe tregon do të ndëshkohen të gjithë ato biznese që ndotin mjedisin.
Ajo tregon se është gjobitur me 50 mijë lekë një hotel në Himarë për shkak se ka hedhur mbeturinat në koshat që nuk janë për sasi të mëdha mbetjesh por janë për qytetarët.
“E pafalshme! Mos dëmtoni sezonin, mos cenoni mjedisin”, shkruan Kumbaro.
“Ndëshkim për hotelet që ndotin. Koshat nuk janë për sasitë e mëdha të mbetjeve që gjenerojne hotelet, por për qytetarët!
Policia Bashkiake e Himarës ka reaguar duke gjobitur hotelin në bregdet. Prej ditësh ishte kthyer në gangrenë, duke mos zbatuar oraret e hedhjes së mbetjeve në grafikun e përcaktuar nga bashkia, por i hiqte nga territori i vet në çdo moment të ditës duke i derdhur në rrugë.
E PAFALSHME! Mos dëmtoni sezonin, mos cenoni mjedisin! Jemi në koordinim me Policitë Bashkiake dhe me Policinë e Shtetit dhe gjobat do të aplikohen ndaj çdo çmendurie të tillë”, shkruan Kumbaro në “Facebook”./Opinion.al
