Në Vlorë dhe me vlonjatët mund të ngjasë gjithçka.
Si në atë kohë ku për inat se humbën ndeshjen prenë shtyllat e portës dhe në një rast tjetër e mbollën fushën me patate.
Por këtë herë duket se fushën e stadiumit Flamurtari, nuk janë tifozët ata që po e prishin, por një lloj krimbi i veçantë që ha barin.
Lajmin e raporton “Panoramasport” e cila thotë se bëhet fjalë një lloj krimbi “barngrënës” që ka shkatërruar tapetin e fushës në vitin 2017.
Dhe që është rikthyer sërish duke dëmtuar fushën.
Disa kohë më parë, administratorët e stadiumit kanë spërkatur fushën me ilaç me qëllim që të mos dëmtohej nga krimbi.
Por ndërsa kanë dashur të bëjnë mirë, i kanë hedhur fushës më shumë ilaç se ç’duhej duke dëmtuar barin.
Ndërkohë që në shfaqjen e krimbit thuhet se kanë ndikuar edhe temperaturat e ulta.
