Tifozët e ekipit kombëtar të futbollit sot kanë rezervuar një surprizë madhështore për kuqezinjtë dhe mund të futen në librin e rekordeve Gines. Kështu para ndeshjes në Marsejë përballë Francës, kuqezinjtë do të shpalosin një flamur gjigant me shqiponjën dykrenore që është 11 mijë metra katrorë.
Përmes një njoftimi në faqen zyrtare në Facebook grupimi i madh i tifozëve kuqezinj kërkon bashkëpunim nga shqiptarët që ndodhen në Marsejë për të shpalosur flamurin kombëtar.
“Sot (e mërkurë), me fillim nga ora 14.30, ftojmë të gjithë shqiptarët që ndodhen në Marsejë të na bashkohen tek adresa: Plages du Prado 13008 Marseille për të shpalosur flamurin kombëtar. Flamuri është rreth 11.000 m2, kështu që ju ftojmë që të jeni në numër sa më të madh” mbyllet njoftimi i tifozëve.
