Një 43-vjeçar i kishte blerë djalin nënës ukrainase për një shumë 1000 dollarëshe.
Mediat e huaja raportojnë se trafikanti është arrestuar në Ukrainë pasi u kap në flagrancë duke u përpjekur të çonte një foshnjë 11-muajshe jashtë vendit për ta “shitur për transplantim organesh”.
Mësohet se i kishte dhënë një shumë prej 1000 dollarësh nënës së djalit, duke pretenduar se do të siguronte që djali të adoptohej në BE për të jetuar i sigurt larg luftës.
Ai i ofroi gruas, nga Zhytomyr, një total prej 5,000 dollarësh për foshnjën, të cilin më pas synonte t’ua shiste trafikantëve për një shumë 25,000 dollarë.
Fotot tregojnë burrin e arrestuar së bashku me një bashkëpunëtore femër në kufirin midis Ukrainës dhe Sllovakisë teksa planifikonte të kalonte me fëmijën.
Foshnja u shpëtua, por dyshohet se burri kishte shitur më parë tre fëmijë të tjerë me pretekstin se do t’i dilte nga Ukraina e shkatërruar nga lufta dhe për t’u gjetur prindër birësues jashtë vendit.
Mësohet se nëna e fëmijës është ajo që ka lajmëruar forcat e rendit, ndërsa për rastin janë angazhuar shërbimi sekret SBU dhe rojet kufitare në doganën e Malye Selmentsy./Opinion.al
