Kryeministri Edi Rama në rubrikën ‘Sy m’sy’ duke diskutuar me qytetarët, ka vijuar sërish me sulme e ironi ndaj opozitës.
Gjatë fjalës së tij, Rama tha me ironi se numri 1 që mban Partia Demokratike në fletën e votimit, është numri që mban portieri në një skuadër futbolli, i cili këtë herë ‘do të hajë shumë gola’.
“Portieri vetëm për barazim luan sepse 1 është numri i portierit. Portieri nuk luan për fitore se nuk bën gola thjeshtë mundohet mos hajë gola. Ky portieri kësaj radhe do të hajë aq shumë gola sa do të rrijë një javë duke thënë ma çanë rrjetën”, tha Rama.
Duke komentuar deklaratat e drejtuesit politik të fushatës së PD-së, Chris LaCivita, tha se “edhe Latifi kishte thënë për non gratën nuk e di çfarë të them, a do hiqet a s’do hiqet.
Ai gjithashtu ka ngritur pikëpyetje për shumën e parave që opozita ka paguar për konsulencën e LaCivitës.
“Më thanë që edhe Latifi kishte thënë për non gratën nuk e di çfarë të them, a do hiqet a s’do hiqet. Unë non gratën e kam konsideruar trup të madh. Sikur mos të kishte ndodhur do kishte qenë 100 herë më mirë. Kjo historia që do hiqej në janar dhe mars, hiqet në prill, ta shohim. Por mos më qani hallin mua.
Pashë që kishin dalë këta që jepnin lejë nga paratë e kënetës. Këneta ka para. E keni parë sa e paguan Latifin? Ku i gjejnë xhamën?! E keni parë Latifin. Kam parë se ka dalë këneta me para se kishin kapur një zhapik andej nga Lushnja a Divjaka që jepte para për votën. Askush mis ta bëjë këtë gabim se është krim që ndëshkohet rëndë. Dhe nuk ia vlen fare”, tha Rama.
