Nëse e keni pasur celularin për një kohë të gjatë, gjasat janë që bateria nuk mban më si në fillim. Kjo mund të jetë shkak edhe i zakoneve të tuaja të karikimit. Ta vendosësh telefonin në karikim kur bateria është thuajse 0% gjatë natës dhe të zgjohesh në mëngjes me 100% po e dëmton baterinë e telefonit tuaj.
Karikojeni telefonin nga pak dhe shpesh
Telefoni dhe bateria e tij dëmtohet kur rri gjithë natën në karikim. Kështu që zgjidhja më e mirë është pak dhe shpesh, – njësoj siç duhet të konsumojmë edhe ushqimin. Nuk ka rëndësi nëse e karikoni 10% apo 20%, karikimi i pjesshëm nuk e dëmton celularin.
Mos e lini baterinë të shkojë 0% para se ta karikoni
Shkarkimi deri në fund nuk është gjë e mirë, edhe pse shpesh na thuhet ta harxhojmë baterinë deri në fund përpara se ta karikojmë.
Mbajeni baterinë ndërmjet 65% dhe 75%
Kjo është pika optimale e mbajtjes së baterisë. Pak a shumë si shpejtësia që duhet të mbajë automjeti që të mos djegë shumë karburant por edhe të bëjë shumë kilometra për orë.
Mos e karikoni baterinë plotësisht
Kjo mund të duket pak kontraverse si këshillë por bateritë e reja me bazë litiumi s’kanë nevojë të karikohen deri në fund dhe nuk është as e sugjerueshme sepse votazhi I lartë e streson baterinë.
Mos e hiqni nga karikimi kur arrin 100%
Nëse zgjidhni ta injoroni pikën më lart, lajmi i mirë është që pasi bateria karikohet në 100%, s’ka nevojë ta shkëpusni nga karikimi sepse nuk i bën asnjë dëm.
