Shtetasi Land Kaçorri i cili dyshohet si autor i ngjarjes së sotme në Lezhë, ku një biznesmen u qëllua me armë në kokë, është person me precedentë penale të mëparshëm.
Konkretisht, me vendimin nr. 168 datë 17.10.2008, Gjykata e Rrethit Gjyqësor Lezhë e ka dënuar këtë shtetas për vepren penale të “Sigurim i kushteve dhe i mjeteve materiale për të kryer vrasje”.
Gjithashtu dhe në vitin 2004, Gjykata e Fierences në Itali ka lëshuar urdhër arresti për veprën penale “Vrasje në bashkëpunim” të një shtetasi shqiptar.
Nga veprimet e shpejta hetimore dhe verifikuese nga ana e grupit hetimor të policisë ka rezultuar se autorë të dëmtimit të shtetasit Landi Noka, janë shtetasit : Landi Kaçorri dhe Gjergj Kaçorri: të cilët janë shpallur menjëherë në kërkim dhe po punohet për kapjen e tyre.
Dyshohet se ngjarja ka motiv konkurencën në fushën e lëndëve drusore dhe qymyrit.
