Ka ndërruar jetë në spitalin e Durrësit 84-vjeçari Halil Basha, i cili u sulmua disa ditë më parë nga një qen Pitbull.
I moshuari u sulmua në kokë e trup dhe fatkeqësisht nuk i mbijetoi dot plagëve të marra.
Ngjarja e rëndë u regjistrua pasditen e 2 nëntorit në një nga rrugicat e lagjes nr.13, ku i moshuari kishte shtëpinë dhe qeni doli nga rrethimi i banesës së Armand Lalës, pronar i qenit dhe sulmoi të moshuarin.
Armand Lala, tashmë i arrestuar nga policia, në banesën e marrë me qira mbante 3 qen Pitbull, njëri i bardhë dhe dy me ngjyrë kafe, njëri prej të cilëve sulmoi fatalisht 84-vjeçarin.
Ai akuzohet për veprën penale “Braktisja e kafshës të shoqërimit”.
