Spanja është një nga vendet më të prekura nga koronavirusi, por ditët e fundit numri i viktimave ka rënë.
Kjo gjë ka vërë që qeveria spanjolla të lehtësojë masat, ndërsa parashikohet se masat e izolimit do të vijojnë dhe për 15 ditë të tjera. Që në fillimin e Pandemisë në Spanjë kanë hmbur jëtën mbi 20 mijë persona.
Kryeministri Pedro Sánchez njoftoi se pas 27 prillit do të nisë lehtësimi i regjimit të lëvizjes për fëmijët ndërsa gjendja e jashtëzakonshme do të lehtësohet gradualisht për qytetarët e tjerë pas 11 majit.
Kërkesa për këtë do i drejtohet parlamentit, ku Sánchez i nevojiten edhe votat e opozitës, e cila më parë ka kundërshtuar një pakt mbipartiak për rindërtimin social dhe ekonomik të vendit pas krizës.
“Po mendojmë për një marshim të ngadaltë drejt normalitetit. Pjesën më të vështirë e kemi arritur por arritjet janë ende të pamjaftueshme dhe mbi të gjitha të brishta për zgjidhjet e parakoshme,” deklaroi kryeministri spanjoll.
Sipas kreut të qeverisë, situata me pandeminë Covid-19 në vend po përmirësohet. Një ditë më parë u vendos edhe mbyllja e sallës private të konferencave që prej datës 20 mars u shërbente mbi 3 mijë pacientëve me koronavirus.
Në 24 orët e fundit, Spanja shënoi numrin më të ulët prej katër javësh të vdekjeve ditore, 410 viktima, numri i të shëruarve u ngjit mbi 77 mijë ndërkohë që infeksionit që prej fillimit ka prekur mbi 195 mijë persona.
Gati gjysma e rasteve janë konfirmuar në rajonet turistike të Madridit dhe Katalonjës. Spanja, Italia, Franca, Gjermania dhe Britania e Madhe janë përkatësisht pesë vendet europiane më të prekura nga Covid-19./ Opinion.al
