Të dielën e 28 tetorit në spektaklin e humorit “Portokalli” do të shfaqej në ekran edhe një skeç humori. Skeçi imitonte shefin e kuzinës, Renato Mekolli dhe sjelljen e tij në emisionin “Hell’s Kitchen”. Në rolin e shefit të njohur Renato Mekolli ishte vendosur aktori i njohur i humorit Gaz Paja.
Për numrin në fjalë, shefi i vërtetë i kuzhinës nuk ka reaguar aspak por me siguri ka arritur ta shoh interpretimin e sjelljes së tij në emisionin e gatimit, sjellje e cila është komentuar shumë edhe në publik. Por siç na tregon edhe Gaz Paja në postimin e fundit të publikuar në Instagram, ata janë përballur me njëri-tjetrin me siguri në ambientet e Top Channel ku kanë realizuar edhe dy fotot e postuara.
Sigurisht që përballja mes dy personazheve të njohur ka qenë miqësore. Por ajo që mbetet enigmë siç lë të kuptohet edhe aktori janë fjalët që dyshja ka shkëmbyer me njëri-tjetrin.
Ndërsa Renato vetë postoi një foto me Gaz Pajën. Nën të cilën shkruajti se “ka tolerancë fetare, por ka edhe tolerancë artistike. Më në fund kam gjetur sozinë time që të çlirohem nga kaq shumë angazhime që kam.
