Kryetarja e Kuvendit, Lindita Nikolla ishte e pranishme në ceremoninë e inaugurimit të Bazës ajrore të NATO-s në Kuçovë, ku gjatë fjalës së saj u shpreh se kjo bazë vetëm tani po i shërben paqes dhe sigurisë, megjithëse është hapur treçerek shekulli më parë.
“SHBA dhe partnerët e mëdhenj kanë krijuar bindjen se nëse ka një vend anëtar të ri që mbështet pa asnjë dilema vendimet e saj, është Shqipëria. Kuvendi ka qenë ndër të parët parlamentarë që ka ratifikuar protokollet e anëtarësimit të anëtarëve të rinj. Ky territor ka treçerek shekulli që është ndërtuar si bazë, por në asnjë kohë nuk i ka shërbyer paqes dhe sigurisë siç po i shërben ditët e sotme”, deklaroi Nikolla./Opinion.al
