Rreth orës 22:00 të mbrëmjes së djeshme, një çift të moshuarish janë grabitur me dhunë në Belsh. Persona me maska kanë hyrë në shtëpinë e 70-vjeçares Naferit Tafani madje e kanë goditur atë prapa koke me qytë pistolete. Çiftit i kanë vjedhur rreth 2 milion lekë të vjetra dhe po ashtu e moshuara është dhunuar, ajo është gjetur me kokë të çarë dhe pa ndjenja nga fqinjët e saj të cilët më pas kanë njoftuar policinë.
Naferit Tafani jetonte vetëm me bashkëshortin i cili në atë moment nuk ndodhej në shtëpi. 70-vjeçarja ndodhet në spitalin e Elbasanit jashtë rrezikut për jetën, ndërkohë policia është duke punuar për zbardhjen e plotë të ngjarjes dhe kapjen e autorëve.
