Bashkim Balili, vëllai i Klement Balili në një lidhje telefonike me Neës 24 ka informuar për aksionin e mëngjesit të sotëm për kapjen e vëllait të tij.
“Ne jemi njerëz të ndershëm. Ne nuk jemi trafikantë, nuk jemi kriminelë. Policia ka ardhur në orën 4.00 të mëngjesit. Ka mbledhur të gjithë burrat e fisit Balilaj. Policia ka trembur fëmijët. Këta janë një grup horrash dhe jo policë. Ndërkohë që më kanë marrë djalin dhe akoma nuk e di se ku është. Po kështu i kanë vendosur prangat gruas sime”
Bashkim Balili ka thënë po ashtu se nuk ka kontaktuar me vëllain e tij. “Z. Balili nuk ndodhet në Shqipëri. Z. Balili ndodhet atje ku filluan problemet”, ka thënë Bashkim Balili, duke lënë të kuptohet se Klement Balili ndodhet në Greqi.
