Ka ndërruar jetë në spitalin e Traumës në Tiranë pas një muaji agonie vëllai i historianes Elena Kocaqi. A. Kocaqi u plagos rëndë bashkë me prindërit e tij nga Marjan Levanti ish-bashkëshorti i historianes së njohur, pasi kjo e fundit i kishte kërkuar divorcin. Ngjarja ndodhi në 23 dhjetor 2016 në zonën e Unazës së Re në Tiranë. Levanti shkoi në shtëpinë e ish-bashkëshortes së tij dhe pas një debati me babain e saj e ka qëlluar me thikë. Në këtë moment kanë ndërhyrë edhe familjarët e tjerë të ish-bashkëshortes, ku Levanti nuk ka kursyer thikën edhe ndaj ish-kunatit dhe ish-vjehrrës së tij.
Marian Levanti ka qenë i proceduar edhe më parë nga policia. Levanti ka qenë i dyshuar për një plagosje po me thikë disa vite më pare. Ngjarje që dyshohet se ka qenë shkak edhe për vrasjen e vëllait të tij në shkurt të vitit 2013ë, Ardian Levanti, 28 vjeç. Polici arrestoi si autor të kësaj ngjarje Pjetër Gjinin nga Rrësheni, ku u ngritën dyshime se vrasja e 28vjeçarit ndodhi për hakmarrje, por pa u zbardhur deri në fund motivet e krimit.
Në foto: Marjan Levanti dhe ish-bashkëshortja Elena Kocaqi
