Biznesmeni Nikollaq Neranxi është shoqëruar në polici në lidhje me konfliktin me efektiv të Komisariatit nr 6.
Mësohet se Neranxi është shoqëruar në Komisariatin nr 6 me vullnetin e tij për të sqaruar e rrethanat e ngjarjes.
Biznesmeni Nikollaq Neranxi ishte shpallur në kërkim nga policia me arsyen se kundërshtoi dhe fyeu efektivët e Komisariatit nr 6.
Parkimi i gabuar ka bërë që forcat e policisë të përplasen me rojet e biznesmenit Neranxi.
Ky i fundit, siç thuhet në njoftimin zyrtar për shtyp, kishte parkuar automjetin e tij në një rrugë dytësore të autostradës Tiranë-Durrës, por për efektivët që kishin shërbimin në këtë segment, qëndrimi në atë vend ka qenë i parregullt.
Pasi i ka parë duke vendosur gjobë, sipas burimeve zyrtare, biznesmeni Neranxi i ka sharë dhe ofenduar efektivët.
Në këtë moment ata kanë dashur ta shoqërojnë biznesmenin, por janë penguar nga dy rojet e tij të cilët janë përleshur me policët.
Këta të fundit janë shoqëruar në Komisariat, por biznesmeni Neranxi ka arritur të largohet nga vendi i ngjarjes dhe policia po punon për kapjen e tij.
