Me vendim të gjykatës së Durrësit ish-hotel Vollga, në të cilin rezulton bashkëpronar Emiljano Shullazi, është vendosur sekuestro preventive.
Prokuroria e qytetit bregdetar kërkoi sekuestron për shkak të nisjes së hetimeve mbi veprimet e dyshimta që çuan në regjistrimin e kësaj prone në emër të Emiljano Shullazit.
Organi i hetimit sqaron se kjo pronë është përfituar me kryerjen e veprave penale të “Falsifikimit të dokumenteve”, “Shpërdorimit të detyrës” e “Pastrim i produkteve të veprës penale apo i veprimtarisë kriminale”.
Hetimet kanë nisur në bazë të kallëzimit të bërë nga shtetasi Zamir Hasa.
Ai e ka trashëguar këtë pronë nga Alie Fortuzi, pinjollja e familjes Fortuzi, kompania, e së cilës e ndërtoi hotelin në kohën e pushtimit të Italisë.
Alie Fortuzit kjo pronë i njihet në vitin 2003 me vendim të Agjencisë së Kthimit dhe Kompensimit të Pronave. Por ajo vendos t’ia thurojë Zamir Hasës, pasi ai ishte i vetmi njeri, që ishte kujdesur prej vitesh për të.
Kur Zamir Hasa kërkon të restaurojë pronën, ai zbulon se ajo ishte regjistruar në emër të shtetasit arab, Mohamad Abdullah Bavazer.
Hasa i drejtohet gjykatës. Në korrit të vitit 2013, pas 10 vjetësh, Gjykata e Lartë urdhër pezullimin e regjistrimit të shënimit të emrit të shtetasit arab në kartelën e pasurisë.
Por gjykata e Durrësit i njeh të drejtën e pronësisë arabit, i cili e regjistron në emër të kompanisë së tij “Suadi Brother’s Commercial Company”, që e administronte vetë.
Një vit më vonë, në nëntor 2014, ia shet një pjesë të pasurisë për shumën 670 mijë eurove Fejzi dhe Marjeta Kodra.
Një muaj pas blerjes ata ia dhurojnë pronën e tyre Emiljano Shullazit. Edhe shtetasi saudit ia dhuron në shenjë mirënjohje pjesën e tij Shullazit.
Prokuroria dyshon se Fajzi dhe Marjeta Kodra nuk kanë patur mundësi financiare të paguanin 670 mijë euro. Sipas saj, të gjitha këto veprime kanë qenë të dyshimta.
Këto veprime të dyshuara anti-ligjore, thotë prokuroria, shtrihen në zyrën hipotekore, zyrat noteriale, por edhe në Gjykatën e Durrësit. Për gjykatën, prokuroria përmend faktin se ajo marrë vendim për t’ia njohur pronën arabit Bavazer, në kundërshtim me vendimin e Gjykatës së Lartë lidhur me këtë objekt.
Organi i hetimit sqaron s e grupi kriminal i Shullazit, e ka kaluar ish –hotelin e famshëm në pronësi të Shullazit, nëpërmjet kanaosjes dhe dhunës.
Pjesë e kërcënimeve për këtë pronë janë bërë dhe drejtuesit dhe punonjësit e hipotekeva në Durrës dhe Tiranë, të cilët e kanë regjistruar pronën në kundërshtim me ligjin dhe procedurat.
Deri sa hetimet të përfundojnë, kjo pronë ajo nuk mund te shitet, të prishet apo të ndërtohet mbi të . /TV Klan
