E fundit/ Protesta e madhe e 13 Majit, Lulzim Basha mbledh aleatët

Kryetari i Partisë Demokratike dhe Opozitës Lulzim Basha ka mbledhur pak minuta më parë në selinë e Partisë, aleatët në opozitë. Qëllimi i këtij takimi është organizimi i protestës së madhe të 13 majit që do të mbahet në Tiranë, që vjen menjëherë pas tërheqjes nga maxhoranca të kandidatit të majtë në zgjedhjet e pjesshme lokale që do të mbaheshin këtë të dielë në Kavajë. Takimi i Bashës me aleatë ka për qëllim informimin dhe marrjen e masave për një organizim sa më të madh në datën e paralajmëruar ndërkohë që priten edhe detaje të reja se cila do të jetë forma e kësaj proteste dhe nëse do e kalojë atë të 18 shkurtit.