Një plagosje me armë zjarri ka ndodhur në Shkodër pasditen e sotme. Bëhet fjalë për një 22 vjeçar i cili është plagosur dhe ndodhet jashtë rrezikut për jetën. Burimet raportojnë se është plagosur Ranko Tomas.
Ngjarja në fjalë ka ndodhur nga një sherr momental. Policia ka identifikuar autorin dhe po punon për kapjen e tij. Ngjarja s’ka lidhje me zgjedhjet.
Njoftimi i policisë
Informacion Paraprak Më datë 25.06.2017, ora 18:00, jemi njoftuar se në lagjen Bahçallek dhe pikërisht në bregun e lumit Buna gjatë një konflikti të çastit është plagosur me armë zjarri në këmbë shtetasi R. Th, 22 vjeç, banues lagjen Fahri Ramadani, Shkodër. Shtetasi R. Th, ndodhet në Spitalin Rajonal Shkodër jashtë rreziku për jetën. Menjëherë është nisur grupi hetimor për sqarimin e plotë të ngjarjes dhe po punohet për identifikimin e kapjen e autorit/ve. Gjithashtu sqarojm se ngjarja nuk ka lidhje me procesin zgjedhor.
