TIRANE- Presidenti Bujar Nishani dekretoi sot ministrat Arben Ahmetaj dhe Milva Ekonomi. Mungesa e dekreteve çoi edhe një përplasje me mazhorancën, ku ministrja Felaj tha se mund të shkohet deri në shkarkimin e Nishanit nëse bllokon ministrat. Bujar Nishani dekretoi të mërkurën e javës së kaluar shkarkimin e ministrave Cani dhe Ahmetaj, përkatësist nga Financat dhe Ekonomia. Ndërkaq la pezull dekretimin e ministrave të rinj për afro një javë.
Por Nishani bëri edhe një hap tjetër pak ditë më parë. Ai kërkoi interpretim nga Gjykata Kushtetuese për dekretet. Kur pritej që gjykata të kthente përgjigje, Nishani dekretoi ministrat brenda afatit ligjor 7 ditë që i njeh kushtetuta, pa i shkuar në fund kërkesës së tij për interpretim nga gjykata.
