Ka ndërruar jetë në burgun e Zaharisë në Krujë një person i cili ishte duke vuajtur dënimin. Policia thotë se i dënuari ka shfaqur probleme me zemrën. Mësohet se ka ndërruar jetë shtetasi me inicialet F.A. 49 vjeç, banues në Pogradec.
Ndërkohë policia ka referuar materialet hetimore në Prokurorinë e Rrethit Gjyqësor Krujë për shtetasin D.C. 37 vjeç, banues në Fushë-Krujë, i cili është punonjës policie i regjimit të brendshëm në I.E.V.P, Zahari. Punonjësi i burgut akuzohet për veprën penale Shpërdorim detyre, parashikuar nga Neni 248 i Kodit Penal
Në datë 05.11.2017, rreth orës 06:10, në spitalin e Krujës, ka ndërruar jetë shtetasi F.A. 49 vjeç, banues në Pogradec, i dënuar në I.E.V.P. Zahari, Krujë pasi ka shfaqur probleme kardiake.
