Mbrëmë votoi në emër të LSI-së për rritjen e çmimit të ujit, ndërsa sot kryesia e kësaj partie e shkarkoi nga radhët e saj në Këshillin Bashkiak të Tiranës. Genta Mezini ka dalë pak minuta më parë në një deklaratë për shtyp ku ka lajmëruar kalimin e saj në radhët e grupimit socialist në Këshillin Bashkiak. Po kështu Mezini ka shpjeguar edhe votën e saj të mbrëmshme për rritjen e çmimit të ujit, ndërkohë që vota e saj ishte në kundërshtim me votën kundra të LSI-së. “Vota ime për rritjen e çmimit të ujit është votë e lirë. Nuk ka asgjë të vërtetë në akuzën që më është bërë për shitjen e votës. Zgfjedhj progresin dhe jo regresin, zhvillimin dhe jo prapambetjen. Vota ime do të jetë votë e grupit të Partisë Socialiste”, tha Mezini
