Ndryshe nga hera e parë kur Kombëtarja Shqiptare mbërriti në sheshin ‘Nënë Tereza’ me autobus të zakonshëm, kësaj radhe djemtë kuqezi do të mbërrijnë me autobus të hapur për t’u përshëndetur nga të gjithë tifozët
Kjo është një nga surprizat e parashikuara pasditen e sotme, kur në orën 15:30 Kombëtarja do të zbresë në aeroportin e Rinasit.
Pas takimeve me Ramën, Bushatin dhe Veliajn, ekipi do të ndalojë në sheshin ‘Nënë Tereza’ në Fan Zone, ku do të takohen me tifozët, të cilët i kanë organizuar pritje madhështore.
Është pikërisht autobusi që shikoni në foto, me të cilin djemtë kuqezi do të përshkojnë bulevardin ‘Dëshmorët e Kombit’. Ky autobus hapet në pjesën e sipërme, gjë që do t’u japë mundësi futbollistëve të përshëndeten nga tifozët.
Autobusi i hapur është porositur në Maqedoni dhe mësohet se është nisur nga Shkupi drejt Tiranës, për të pritur kuqezinjtë.
