Zjarri i rënë në një banesë sot në kryeqytet i ka marrë jetën një personi. Ngjarja e rëndë ndodhi tek ‘Shkolla e Baletit’ në Tiranë, përballë Urës së Tabakëve, në një pallat në katin e 5-të.
Nga të dhënat paraprake, mësohet se viktimë dyshohet se është Ardian Fetiu, 58 vjeç, jetonte i vetëm në një apartament në katin e 5-të, ndërsa dyshohet se ishte me probleme të shëndetit mendor.
Burime policore pohuan se viktima ishte gjendur i shkrumbuar në banesë.
Zjarrfikëset ndodhen në vendngjarje, ndërsa bënë të mundur izolimin e flakëve. Deri më tani nuk dihen rrethanat e kësaj ngjarje.
Të njëjtat burime theksojnë se 58-vjeçari më 30 nëntor të 2014-ës ka tentuar të hidhet nga ballkoni i katit të 5 të banesës. Por falë ndërhyrjes së policisë dhe forcave të zjarrfikëses u bë e mundur shpëtimi i tij.
