Drejtuesi i emisionit “Stop”, Saimir Kodra është shoqëruar për tu marrë në pyetje në Gjykatën e Krimeve të Rënda. Fillimisht oficerët e policisë gjyqësore u paraqitën 22:00 të mbrëmjes së të mërkurës për të sekuestruar pamjet filmike. Kodra, madje u paraqit me pak minuta vonesë në emision “Opinion” ku ishte i ftuar të fliste për rryshfetin në prokurori që u kap nga kamera e fshehtë e “Stop”-it. Ai do të deklaronte se prokurorët sekuestruan pamjet filmike. Por në përfundim të emisionit “Opinion” rreth orës 23:30, oficerët e policisë gjyqësore kanë shoqëruar Kodrën për ta marrë në pyetje.
Emisioni “Stop” solli për herë të parë një rast flagrant të korrupsionit në organet e akuzës. Oficeri Fatos Lusha u kap me zë dhe figurë duke marrë 18 mijë euro për një vendim. Ai nxorri emrin e prokurorit Ardian Braho.
*Më poshtë foto dhe video nga shoqërimi i Kodrës në prokurori
