15 studentë nga Kosova janë helmuar pasi kanë konsumuar ushqim të kontaminuar në Kalimash të Kukësit, përgjatë Rrugës së Kombit. Policia tha se sot rreth orës 01:04, në pavionin e Infektiv të Spitalit Nënë Tereza kanë mbërritur rreth 15 student të toksikuar.
Rreth orës 04:52 të gjithë studentët janë larguar për në banesë pas mjekimit të marrë.
Nga veprimet hetimore të kryera është mësuar se këta shtetas janë helmuar nga ushqimi i konsumuar në Kalimash, Kukës. Veprimet e mëtejshme proceduriale ndiqen nga Drejtoria Vendore e Policisë Kukës.
