Aeroporti Ndërkombëtar i Rinasit është evakuar si pasojë e një çante të braktisur në mjediset e brendshme të terminalit.
Nga të dhënat e para, bëhet me dije, se aeroporti po boshatiset deri në sqarimin e plotë të rrethanave të ngjarjes.
Opinion.al ka mësuar se menjëherë pas identifikimit të çantës së braktisur në hapësirën e brendshme të aeroportit, policia ka marrë masa për të larguar udhëtarët, deri në zbardhjen e plotë të ngjarjes.
Mësohet se mes udhëtarëve ka pasur frikë dhe panik, pavarësisht komunikimit të autoriteteve përkatëse të Aeroportit të Rinasit se situata është nën kontroll dhe nuk ka arsye për të përhapur panik mes udhëtarëve.
