Menjëherë pasi kryeministri Rama shkarkoi nga detyra të gjithë drejtuesit e spitaleve, ai tregoi edhe se si do të zgjidheshin drejtuesit e rinj. Mësohet se së shpejti posti i drejtorit të spitalit do të kalojë nëpërmjet një konkursi nga ku të gjithë njerëzit të cilët mendojnë se kanë aftësitë e duhura menaxheriale mund të kandidojnë.
“Drejtorët do i nënshtrohen një konkursi publik. Kushdo që mendon se i ka, përfshirë edhe ju që jeni këtu, mund të kandidoni për drejtimin e këtyre strukturave kaq të rëndësishme” – u shpreh Rama. Ai vijoi më tutje duke u shprehur se këto konkurse do i besohen për gjykim njerëzve të posaçëm të cilët nuk kanë lidhje me asnjë parti.
