Është djegur gjatë natës makina e shefit të policisë së burgut të Rrogozhinës, Besnik Kaptelli. Siç tregojnë edhe fotot makina është djegur pothuajse plotësisht. Dyshimet e para të policisë janë për një zjarrvënie të qëllimshme.
“Makina tip “Volkswagen Golf” në pronësi të Besnik Kaptellit është përfshirë nga flakët rreth mesnatës në lagjen “S.Libohova””, thuhet në njoftim, ndërsa kanë nisur hetimet për zbardhjen e shkaqeve dhe autorët e mundshëm.
Shefi i policisë së burgut të Rrogozhinë ka mbajtur poste drejtuese në disa institucione të shlyerjes së dënimit.
