Celtic Glasgow është shpallur kampion për të pestën herë radhazi në kampionatin skocez. Ekipi i trajnerit norvegjez Ronny Deila, e ka siguruar matematikisht titullin pas fitores 3:2 me ndjekësit e Aberdeen, dy javë para se të mbarojë kampionati, dhe tani janë të pakapshëm. Ky ishte titulli kampion i 47-të në historinë e klubit.
Që prej rënies në kategorinë e shtatë e rivalit të urryer nga i njëjti qytet, Glasgow Rangers, në vitin 2012, ekipi me uniformë të gjelbër dhe të bardhë nuk ka pasur asnjë konkurrent të denjë. Në sezonin e ardhshëm rikthehet Rangers në kategorinë e parë, që me 54 tituj kampion të ftuar, është akoma klubi rekordmen në Skoci.
