Vazhdojnë kërkimet për arrestimin e Klement Balilit, edhe këtë mëngjes. I shpallur në kërkim për trafik ndërkombëtar droge, Policia e ka përqëndruar aksionin e saj në qytetin e Sarandës dhe Delvinës aty ku mendohet se fshihet i shumëkërkuarit. Kryesisht kërkimet këtë të shtunë janë ndalur në banesat dhe bizneset e tij. Ku janë shoqëruar në komisariat dhe disa familjarë të tij. Ky është i disati aksion që Policia e Shtetit ndërrmerr për arrestimin e Balilit, i cili ka futur në sherr edhe politikën e ditës me moskapjen e tij. Sikundër ishte edhe kërkesa që kryetari i Parlamentit Ilir Meta i drejtoi Presidentit Bujar Nishani për mbledhjen e Këshillit të Sigurisë Kombëtare.
