Një aksident me vdekjen e dy personave është shënuar në fshatin Proger, Devoll. Mësohet se dy personat udhëtonin me motor.
njoftimi i policisë
Dy persona kanë gjetur vdekjen, pasditen e së enjtes në fshatin Proger, Devoll. Sipas njoftimit të policisë, mjet tip “Benz” me targë AA501HV, me drejtues 55-vjeçarin me inicialet P.G, banues në Bilisht, është përplasur me një mjet motor me të cilin udhëtonin dy persona ende të paidentifikuar, të cilët për pasojë kanë gjetur vdekjen, gjatë transportimit për ndihmë mjekësore në Spitalin Rajonal të Korçës.
